ចាងហ្វាងការផ្សាយ ៖ លោក នង ណេត / ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 725 285 / 097 87 55 785, Email: norngnet@gmail.com
Comments Off on លោក ​ណុប ​សំអាន មេគយច្រកទំ​នប់រលកនិងប​ក្ខពួកប្រព្រឹត្តអំ​ពើពុករលួយកា​ន់តែ​ខ្លាំងមិនខ្វល់​នឹងអង្គភា​ពប្រ​ឆាំង​អំ​ពើពុក​រលួ​យ

លោក ​ណុប ​សំអាន មេគយច្រកទំ​នប់រលកនិងប​ក្ខពួកប្រព្រឹត្តអំ​ពើពុករលួយកា​ន់តែ​ខ្លាំងមិនខ្វល់​នឹងអង្គភា​ពប្រ​ឆាំង​អំ​ពើពុក​រលួ​យ

លោក ណុប សំអាន និង ​បក្ខពួក​ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត  គឺ​ដោយសារ​មានការ​ឃុបឃិត​បើក ដៃ​ពី​សំណាក់​មេ ​គយ​ ធំៗ​ក្នុង​ខេត្ត​ព្រះសីហនុ ដែល​គិត តែ​ពី​រឿង​ប្រមូល​លុយ​តាមរបៀប ​ពុករលួយ​ចែកគ្នា​ធ្វើ​មាន​ធ្វើបាន​យ៉ាង​សុខ​ស្រួល  ហើយ​មិន​ខ្វល់​ពី​ចំណាត់ការ​របស់​អង្គភាព ​ប្រឆាំង​អំពើពុករលួយ ដែលមាន​លោក  ឱម យ៉ិនទៀង ជា​ប្រធាន​នោះទេ ​។

ប្រភពពី​មន្ត្រី​គយ​នៅ​ខេត្ត​ព្រះ សីហនុ ដែល​ស្និទ្ធ​ជាមួយ​លោក ណុប សំអាន ប្រធានការិយាល័យ​គយ​ច្រក​ទំនប់រលក បាន​ឲ្យ​ដឹងថា មួយរយៈ​ពេល​ចុង​ក្រោយនេះ​លោក ណុប សំអាន និង​បក្ខពួក​ឃុបឃិត​គ្នា​ប្រព្រឹត្ត​អំពើពុករលួយ​តាមច្រើន​រូបភាព​ដោយ​គ្មាន​ញញើត​អ្វី​ទាំងអស់​។ ប្រភព​បាន​ឲ្យ​ដឹង​ទៀតថា​លោក ណុប សំអាន ប្រធានការិយាល័យ​គយ​ច្រក​ទំនប់រលក និង​លោក ផាត់ សំណាង អនុប្រធាន​ការិយាល័យ​គយ​ច្រក​ទំនប់រលក ទទួលបន្ទុក​ផ្នែក​ត្រួតពិនិត្យ​កំពុង​ឃុបឃិត​គ្នា​ប្រព្រឹត្ត​អំពើពុករលួយ​ដោយ​គ្មាន​ខ្លាចក្រែង​អ្វី​ឡើយ​។ ​គួរ​រំលឹក​ដែរ​ថា​រឿងអាស្រូវ​ពុករលួយ​របស់លោក ណុប សំអាន មេ​គយ​ច្រក​ទំនប់រលក ក្រុងព្រះសីហនុ និង​បក្ខពួក​ត្រូវបាន​លាតត្រដាង​ជា​បន្តបន្ទាប់​រួចមកហើយ ជាពិសេស​ទាក់ទង​ទៅនឹង​ករណី​ឃុបឃិត​ឲ្យ​ឈ្មួញ​ច្រើន​នាក់​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ ទំនិញ​ខុសច្បាប់​និង​ប្រេងសាំង​គេចពន្ធ​យ៉ាង​ពេញបន្ទុក​។ ក៏ប៉ុន្តែ​រហូតមកដល់​ពេលនេះ​លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា ក៏ដូចជា​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ បែរជា​រក្សា​ភាព​ស្ងៀមស្ងាត់​ទៅវិញ​។ ដូច្នេះហើយ​ទើប​លោក ណុប សំអាន និង​លោក ផាត់ សំណាង ព្រមទាំង​បក្ខពួក​បន្ត​ឃុបឃិត​គ្នា​បើកដៃ​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​កាន់តែ​ច្រើនឡើងៗ​។ មិនតែប៉ុណ្ណោះ​លោក ណុប សំអាន និង​លោក ផាត់ សំណាង ព្រមទាំង​បក្ខពួក​ប្រើ​គ្រប់​វិធី​គាប​យកលុយ​ពី​ឈ្មួញ​តាមរបៀប​ពុករលួយ​យ៉ាង​កំរោល​តែម្តង​។

តាម​ប្រភពពី​មន្ត្រី​និង​ភ្នាក់ងារ​គយ​ក្នុង​ខេត្ត​ព្រះសីហនុ បាន​ឲ្យ​ដឹងថា បច្ចុប្បន្ន​លោក ណុប សំអាន គឺជា​អ្នក​ឃុបឃិត​បើកដៃ​ឲ្យ​លោក ផាត់ សំណាង ធ្វើ​អ្វីៗ​តាម​អំពើ​ចិត្ត​ដោយមាន​ការបែងចែក​ផលប្រយោជន៍​យ៉ាង​សុខ​ស្រួល​។ ប្រភព​បាន​ឲ្យ​ដឹង​ទៀតថា លោក ផាត់ សំណាង មាន​តួនាទី​ជា​អនុប្រធាន​ការិយាល័យ​គ​យ​និង​រដ្ឋាករ​ច្រក​ទំនប់រលក ប៉ុន្តែ​លោក ផាត់ សំណាង មាន​សិទ្ធិអំណាច​ធំធេង​ក្នុង​ការឃុបឃិត​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​យ៉ាង​គឃ្លើន​។ ចំណែក​ប្រភពពី​សមត្ថកិច្ច​ពាក់ព័ន្ធ​បាន​ឲ្យ​ដឹងថា បច្ចុប្បន្ន​លោក ណុប សំអាន និង​លោក ផាត់ សំណាង កំពុង​គាប​យកលុយ​ពី​ក្រុម​ឈ្មួញ​កាន់តែ​ច្រើនឡើងៗ ហើយ​តែង​យកឈ្មោះ​មន្ត្រី​ធំៗ​ក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា មក​បិទបាំង​ទង្វើ​របស់ខ្លួន។

Filed in: ព័ត៌មានជាតិ, ព័ត៌មានថ្មីៗ, រាយការណ៍​ពិសេស, សូមរាយការណ៍

Recent Posts

Bookmark and Promote!

© 2019 អធិបតី. All rights reserved. XHTML / CSS Valid.
Daily designed by Theme Junkie.